Kuch ankahi batein...
Kuch ankahi si batein hai,kuch ankahi si yaadein hai jo tere mere darmiyan hoti hai,par bin kuch kahe bin kuch sune ek sukoon sa de jaati hai... Kuch aas bhi hai kuch shikve bhi hai , mere ruh ke fasaanon me tujhse jude ansuljhe kisse bhi hai... Woh pal bhi kitna ajeeb tha,kuch mera bachpana tha kuch teri narazgi,kuch meri khamoshi thi,kuch teri saadgi.... Ab sochu to lagta hai kitni haseen si thi wo zindagi.. Kabhi mere hathon ki lakeeron me khud ko to dhunda hota,kabhi meri nazro me khud ko to dekha hota...kash tumne aisi shikayatein karne ka ek manzar to dia hota.. Kabhi meri bematlab baton ka mujhse ek sawal hota hai,tere dil me kya hai jo uska khyal ata hai? Kuch jawab hai teri aankhon me atke hue,kuch jazbaat bhi hain mere bhatke hue, ye sab baatein ab bemaani hai,shayad isi ka naam zindagaani hai ..kuch baaton ko ankaha hi rehne do, is rishte ko adhura hi rehne do...!!