Kuch haseen shikve
Aaj fir socha nazm sa likhu tujhpe,par kitabon me panne tere naam ka bharne laga hu,shayad aajkal jab bhi tujhpe chillane ka mann ho to me likhne laga hu..!! Wese Teri yaadon ki zarurat nahi ab mujhe,k me khud me hi gum sa rehne laga hu,Tere satane ka intezaar nahi rehta ab, k ab shayad me khud ko hi khud me sametne laga hu..!! Besabr sa ho jab ye man tere deedar ko, to logo se dur rehkar , tujhko main ab bhulane laga hu,Raaste khubsurat the tumhare sath,par shayad apni manzilo ka pata ab me khone laga hu..!! Ek Hansi si aati hai khud ke haal par ab to,par tere naam ka zikr honthon se main mitane laga hu,din to nasoor hai,raatein bhi bekhwaab , shayad is shor si zindagi me ek pal aaram ka ab main dhundne laga hu, Jaane kyu in sab baaton ka izhaar kar rha hu,shayad ye sach hai me ab bhi tera intezaar kar rha hu..!!! In sab alfaazo k bemani maynon k beech,fursat ho ek pal to kuch puchna tha tumse....k tumhara intezaar karun ya badal jaun ?..