Skip to main content

Ae Dil, Saans Toh Le Le Kabhi…


Tera saaya hua meherbaan, fariyaadein chali chaaron peher,
Teri aahat mein rukti hain saansein, teri yaadon mein dhalti seher.
Tujhko paane ki zid bhi nahi, tujhko khone ka phir bhi hai darr,
Ishq kehta hai rehne de usko, dil kehta hai wahi manzar…


Ae dil, faisla le abhi, kis ore jaana, keh de kabhi,
Use rooh mein rakhkar jeena hai kya, ya usse bichhadkar jeena abhi?
Teri khamoshi mein bhi awaaz hai, mere hisse ka koi raaz hai,
Tu mile toh lage waqt thehra hua, tu na ho toh har lamha naraaz hai…


Maine chaaha tujhe is qadar, tera hi ho gaya mera safar,
Teri aankhon mein ghar dhoondhta raha, khud ke andar raha ek khandhar.
Na tujhe baandhne ki chaah rahi, na tujhe bhoolne ka hunar mila,
Tu meri taqdeer mein thi nahi, phir bhi tujh mein mera har kal mila…


Teri duniya mein mehmaan hoon, tere lamhon se anjaan hoon,
Tu jahaan chaahe, mudkar chali ja, par tere raaste ka aasmaan hoon…


Par dil yeh bhi toh bata, kya mohabbat mein khud ko mitaana wafa?
Kya kisi ke liye yun hi haarna sahi, jo apna ho aur apna nahi?


Agar ishq hai, toh adhoora hai kyun? Agar tu meri hai, toh itna faasla kyun?
Agar tujhe khona hi meri qismat hai, toh tujhse ishq itna khoobsurat kyun?


Main tera nahi, yeh bhi hoon jaanta, tere bina adhoora hoon, yeh bhi maanta,
Tujhe chhod doon toh khud se bichhad jaaun, tujhe thaam loon toh tujhe baithaun gawa…


Raaton se main ab kuch kehta nahi, teri tasveeron ko dekhta nahi,
Magar jab bhi tanhaai ne awaaz di, main khud se tera zikr chhupata nahi.
Tera saaya hua meherbaan, ab bhi jaage hain chaaron peher,
Teri aahat ki umeed mein dil, aaj bhi bhoolta nahi hai tera sheher…


Tujhe baandhne ka hunar tha nahi, tujhe bhool jaane ka dil bhi nahi,
Tu meri taqdeer mein nahi, par tujh bin koi taqdeer bhi nahi.
Ae dil, thak-sa gaya main, khamosh hoon, par bhoola nahi,
Na tere paas rehne ka haq hai, toh main tera hoon phir bhi tera nahi…


Bas itna samajhna meri khamoshi ko, main kabhi bhi tha badla nahi,
Main bas tham-sa gaya,
Tujhe aaj bhi shiddat se hoon chaahta, bas ab tujhe bataane se darr-sa gaya!..

Comments

Popular posts from this blog

Fault in my stars...

Our love is a pallette of light  with shades of darkness, and a bit of chaos amidst skies of stillness, when the night swears it's love to the stars,when I walk down the memory jars, i have a few unconditional confessions, that Am cursed with a fine limit of obsession. While you are f earless in your love,devoted to compassion Like holding a sea shell against ur ears and feeling the ocean Highest state of art and pious in all your intentions You wear the heart in ur sleeves,and hold my heart in addition Barely speak a word but I still hear voices banging through my intuitions For i love you for your innate self-beautiful,wild and complete U r a world of tender dents,hard things with soft spots which are discreet . It's a blessing u admire me as a whole , but sometimes I  could see my love bringing tears in your eyes and that breaks my heart  ,because i  could feel them drowning your soul....!! That the writer in me is really in love with thoughts of u ...

Kuch to hai darmiyaan..

  Kuch ehsaas kabhi awaaz nahi maangte. Woh bas dheere se zindagi ka hissa ban jaate hain jaise kisi purani kitaab ke safhon mein ek phool sookh toh jaata hai, par uski khushboo reh jaati hai. Tu bhi shayad waise hi mili thi. Na pehli nazar ka ishq tha, na kisi kahani jaisa junoon. Bas itna hua ke teri maujoodgi ne mere din ka lehja badal diya. Pehle mujhe lagta tha, insaan sirf lafzon se kareeb aate hain. Phir tu mili, aur samajh aaya ke kuch log khamoshiyon mein bhi apni jagah bana lete hain. Ajeeb baat hai… main tujhe har waqt yaad nahi karta, par koi bhi lamha poora nahi lagta jab usmein tera koi hissa na ho. Kabhi teri hansi, kabhi tera “khayal rakhna”, kabhi bina wajah ki koi baat… pata hi nahi chala yeh sab yaadein kab meri aadat nahi, meri fitrat ban gayi. Mujhe aaj bhi nahi pata ke humare beech rishta kya hai. Shayad zaroori bhi nahi. Har ehsaas ko naam mil jaaye, toh uski gehraai thodi kam ho jaati hai. Main bas itna jaanta hoon ja...

Adhuri si hasratein, aur ye mehenge mehenge khwab..!.

  Tera meri Zindagi me aana koi ittefaq nahi tha, tu meri zindagi mein kisi toofan ki tarah nahi aayi thi, balki dheere se girti hui baarishon ki tarah, jo shor nahi karti par mitti ki khushboo badal deti hai,aur shayad isi liye tera asar itna gehra hai…   Kabhi kabhi mujhe lagta hai tu meri zindagi ka woh hissa hai jise kismet ne likha toh tha, par poora likhne ki himmat nahi ki, jaise kahani shuru hui ho gehraai se, lekin anjaam par aakar qalam ki syahi ruk gaya ho… Tu samajhti bhi hai ya nahi, ke jab tu bas ek chhota sa message bhej deti hai, toh meri poori raat ka lehza badal jaata hai,warna main toh kab ka aadat daal chuka tha andheron aur khamoshiyon ke saath sulah karne ki… Kabhi kabhi tera bas “theek ho?” pooch lena mere liye kisi dua se kam nahi lagta, jaise is bheed bhari duniya mein kisi ne meri thakaan ko pehchaan kar us par halka sa marham rakh diya ho ,aur yeh ehsaas main bhool nahi pata... Teri hansi mein jo roshni hai na, woh seedha dil ke us kone tak p...